Yana bir taekvondochimiz Butunjahon armiya o'yinlari finalida!

Bugungi kungi musobaqalarda ham to'rt nafar taekvondochimiz yurtimiz sharafini himoya qilmoqda. 

-58 kg vazn toifasida o'zbekistonlik Ulug'bek Rashitov musobaqani germaniyalik Sezgin Abdullatifni 33:0 hisobida mag'lub etib boshladi. Nimchorak finalda esa mo'g'ulistonlik Molom Tumenbayar 24:15 hisobida taslim etildi. CHorak finalda koreyalik Kim Daeikni 28:11 hisobida mag'lub etgan Rashitov yarim finalga chiqdi. 

Yarim finalda italiyalik Vito Dell Akila bilan to'qnash kelgan hamyurtimiz 13:12 hisobida g'alabaga erishib finalga yo'l oldi! 

Finalda Rashitov xitoylik Liang Yushuai bilan to'qnash keladi. Bahs Toshkent vaqti bilan soat 14:30da boshlanadi. 

-46 kg vazn toifasida SHoxsanam Azamova 1/8 finalda franciyalik Alteya Laurinni mag'lub etdi. Afsuski chorak finalda Azamova germaniyalik Oezlem Gueruezga imkoniyatni boy berib qo'ydi.

O'zbekiston taekvondo WT associaciyasi matbuot xizmati