Yana ikki tennischiga Australian Open-2024 uchun wild card berildi

Australian Open-2024 turniri tashkilotchilari musobaqaning asosiy to'rida to'g'ridan-to'g'ri qatnashish huquqini beruvchi imtiyozli wild card yo'llanmalarini yana ikki tennischiga taqdim etishdi. 

Ayni paytda WTA reytingida 116-o'rinni egallab turgan Alize Korne hamda ATP reytingida 130-pog'onadan joy olgan Artur Kazo wild card chiptasi sohibiga aylandi. Har ikki tennischiga imtiyozli yo'llanma Avstraliya va Franciya tennis federaciyalari o'rtasidagi o'zaro kelishuv asosida taqdim etildi. 

Malumot uchun, 21 yoshli Kazo faoliyatida ikkinchi bor "Katta Dubulg'a" turnirining asosiy to'rida o'ynaydi. Avstraliya Ochiq chempionatida esa ilk bor ishtirok etadi. 33 yoshli Korne Australian Open turnirida qatorasiga 19-marotaba qatnashadi. Uning eng yaxshi natijasi 1/4 final hisoblanadi. U 2022 yilgi turnirda chorak finalga qadar etib borgandi. 

Malumot uchun, 2024 yilgi Avstraliya Ochiq chempionati 14-28 yanvar kunlari oralig'ida o'tkaziladi.