Yangi promoushen: qoidalarsiz jang, xech qanday vazn toifalari yo'q. Barchasi Van Damm filmlaridek (FOTO + VIDEO)

Unda sportchilar qo'lqoplarsiz jang qilishadi, vazn toifalari, raundlar va vaqtlar belgilanmagan. Faqat nokaut evaziga g'alaba qozonish mumkin. 

U erdagi muhit esa aqlbovar qilmas darajada boshqacha.

WOTORE yangi promoushen, birinchi turnirini 2020 yilning 18 yanvarida o'tkazgan. Tashkilotchilarning malum qilishicha, o'sha kungi pullik translyaciyalardan 1 077 147 Polsha zlotiysi ( 2 696 505 994 so'm) daromad olingan. Yutubda milliondan ortiq tomosha qilingan, mediada ming marotabadan ortiq eslab o'tilgan. 

Promoushenning eng ahamiyatli jihati - u erdagi muhitda. Arena 9x9 metrdan iborat. Atrofida esa chuqurlik. Jangchilar baraban sadolari ostida chiqib kelishadi. Barchasi 90-yillardagi Jan-Klod Van Damm ishtirokidagi "Sarguzasht izlab" filmini yodga soladi. 

Qoidalar ham o'xshash: turli yakkakurash sport turlarini o'zlashtirgan 8 sportchi 50 ming zlotiy (125 168 895 so'm) uchun kurash olib borishadi - g'olib faqat bitta. Qo'lqoplar yo'q, tirsak, tizza va bosh bilan ham zarba bersa bo'ladi. Jangda faqat muddatidan oldin g'olib chiqish mumkin: jang kimdir nokaut bo'lgunicha, mag'lubiyatni tan olgunicha yoki davom ettirishni rad etgunicha o'tkaziladi. Raundlar ham yo'q.

23 may kungi turnirda boks, kikboksing, jiu-jitsu va MMA sporti bilan shug'ullanuvchi sportchilar ishtirok etishdi. Turnirda Mixal Pasternak g'alaba qozondi. U turnir davomida 37 soniya ichida 125 killogramlik Demian Berini, finalda esa 2 daqiqa 27 soniya ichida Kacper Mikloshni bo'g'ish usuli orqali mag'lub etdi.

WOTORE 2 turniri davomida MMA tarixida ilk bor qizlar qo'lqopsiz jang qilishdi: Klaudiya Sigula Karolina Sobekka qarshi.

Hozircha tashkilotchilar pullik translyaciyalardan qancha daromad olinganini elon qilishmadi, lekin ushbu format polshalik tomoshabinlarga maqul keldi: turnirni o'sha kecha 10 ming tomoshabin bevosita kuzatdi.