Yapon sport haftaligiga atab matbuot-anjumani o'tkazildi

Ushbu haftalik doirasida sportning tennis, stol tennisi, karate turlari bo'yicha yaponiyalik tajribali mutaxassislar o'z bilimlari bilan o'roqlashadi. Bugun poytaxtimizdagi “Tashkent City Palace” mehmonxonasida OAV vakillari uchun mazkur tadbirlarga bag'ishlangan matbuot-anjumani tashkil qilindi. Unda Osiyo karate federaciyasi birinchi vice-prezidenti, O'zbekiston karate milliy federaciyasi rahbari Alam Mullaev, Yaponiyadan tashrif buyurgan karate mutaxassislari Makoto Xosaya, Ryosuke SHimizu va SHinji Nagaki, mahalliy murabbiylar va jurnalistlar ishtirok etishdi. 

“Yapon sport haftaligi terma jamoamiz sportchi va murabbiylarining mahoratlari yanada oshishida xizmat qiladi. Mutaxassislar bilan belgilangan reja asosida seminar va mashg'ulotlar olib borilmoqda. Bunday tadbirlarning tashkil qilinishi Tokio Olimpiadasiga tayyorgarlik yo'lida juda katta foyda berishi, shubhasiz”, – dedi Alam Mullaev.

Anjuman davomida jurnalistlar ham o'zlarini qiziqtirgan savollari bilan murojaat qilib, haftalik doirasida olib borilayotgan ishlar borasida atroflicha malumotga ega bo'lishdi. “Tokio sari yo'l” shiori ostida o'tayotgan mazkur haftalik 27 noyabrga qadar davom etadi.