31 jan 09:40
Yangiliklar
Yo'g'e? Frensis Ngannu chempionlik kamaridan voz kechishga tayyor
"Men bundan tashvishlanmayman, negaki, bu shunchaki kamar, tushunyapsizmi? Ular chempionlik kamarimni olishsa, men erkin agentga aylanaman. Men chempionlikka loyiqman, lekin kamar meni chempion qilolmaydi. Men undan voz kechishga tayyorman. Kamar bilanmi, kamarsizmi, baribir chempionman. SHunday ekan, keling aniqlik kiritaylik — mening chempionligimni hech narsa o'zgartirolmaydi", - deya takidlagan "Yirtqich".
Anaxaymdagi UFC 270 musobaqasida vaqtinchalik chempion Siril Ganni ochkolar evaziga mag'lubiyatga uchratgan Frensis Ngannu eski shartnoma bo'yicha boshqa jang o'tkazmasligini malum qildi, shuningdek, tashkilot tomonidan taklif qilingan yangi shartnoma ham unga mos kelmasligini ochiq aytdi.
Keyinroq malum bo'lishicha, kamerunlik sportchi tizzasidan operaciya qilinadi. Undan so'ng tiklanish jarayoni to'qqiz oygacha davom etadi va bu vaqtga kelib uning g'alabasi munosabati bilan uzaytirilgan UFC bilan amaldagi shartnomasi tugaydi. Agar tashkilot "Yirtqich"ning chempionlik kamaridan voz kechishga qaror qilsa, u darhol erkin agentga aylanadi.
Fikrlar