Yomg'ir ostidagi Toshkent xalqaro marafoni qanday o'tdi? (FOTOGALEREYA)

Beshinchi bor tashkil etilgan mazkur musobaqada 34 mamlakatdan tashrif buyurgan sportchilar g'oliblik uchun bellashdilar. Yana bir ahamiyatli jihati, bir vaqtning o'zida Respublikamizning barcha viloyatlarida «Yangi nafas» ommaviy yugurish musobaqasi ham o'tkazildi, deya xabar berdi MOQ matbuot xizmati.

Musobaqaning ochilish marosimida rasmiylardan O'zbekiston Respublikasi Prezidenti huzuridagi xavfsizlik kengashi kotibi, O'zbekiston triatlon federaciyasi raisi Viktor Mahmudov, Yoshlar siyosati va sport vaziri Adham Ikramov, MOQ Bosh kotibi Oybek Kasimov ishtirok etishdi. Mutasaddilar musobaqani ochiq deb elon qilishar ekan, bu kabi ommaviy sport tadbirlarining tashkil etilishi Prezidentimiz ilgari surayotgan sog'lom turmush tarzi targ'ibotini kuchaytirish, aholi salomatligini mustahkamlashda muhim ahamiyat kasb etishini takidlashdi. 

Ochilish marosimidan so'ng bellashuvlarga start berildi. Unda minglab professional va havaskor sportchilar 3 km, 10 km, yarim marafon va marafon yo'nalishlarida bahs olib borishdi. Kutilganidek, musobaqaga Keniyada tayyorgarlik ko'rgan O'zbekiston terma jamoasi azosi SHohruh Davlatov yarim marafon dasturida mamlakat rekordi bilan marra chizig'ini birinchi bo'lib kesib o'tdi. SHuningdek, yana bir qator vakillarimiz sovrinli o'rinlarni qo'lga kiritishdi. G'olib va sovrindorlar: 

3 km, erkaklar: 

1. Diyorbek Ahmedov - 9:16

2. Eldor Botirov - 9:17

3. Jahongir Raxmatullaev - 9:33

3 km, ayollar: 

1. Anastasiya Silchenkova - 10:27

2. Go'zal Maxamatovalieva - 10:38

3. Oyzira Jo'raqulova - 10:43

10 km, ayollar: 

1. Sitora Hamidova - 39:34,29

2. SHohsanam Xurramova - 40:46,54

3. Kamola Ablamova - 42:23,46

Yarim marafon, erkaklar: 

1. SHohruh Davlatov (O'zbekiston) - 1:03:37

2. Nodir Mutalipov (O'zbekiston) - 1:06:50

3. Mixail Kulkov (O'zbekiston) - 1:07:51

Yarim marfon, ayollar: 

1. Aynuska Xalil kizi (Qirg'iziston) - 1:15:47

2. Aziza Mirzakbarova (O'zbekiston) - 1:21:32

3. Moxinabonu Komilova (O'zbekiston) - 1:24:17

Marafon, erkaklar: 

1. Baxtiyor O'tkirov (O'zbekiston) - 2:20:13

2.Ilya Pyankin (Qirg'iziston) - 2:25:61

3.Islom Amangos (Qozog'iston) - 2:29:58

Marafon, ayollar:

1. Gulshanoy Sattarova (Qirg'iziston) - 2:46:30

2. Ekaterina Vasilchenko (Ukraina) - 2:59:28

3. Ekaterina Tunguskova (O'zbekiston) - 3:00:29.

Taqdirlash marosimida kecha tadbir doirasida bolalar o'rtasida o'tgan «Cids Run» yo'nalishining g'olib va sovrindorlari ham sovg'alarni qabul qilib olishdi. Garchi bugun sportchilar marafon yo'nalishida Parij-2024 Olimpiadasining normativini bajara olmagan bo'lsalar ham, qimmatli reyting ochkolariga ega bo'lishdi.

Marafondan suratlarni tomosha qiling. 

Foto: Alimurod Mamadaminov