24 jan 16:49
Yangiliklar

Qishki sport turlari

Yosh chang'ichilar orasidan eng kuchlilari aniqlandi

Teglar : CHang'i sporti

22-23 yanvar kunlari CHimyon tog'larida, "12 kalit" tog'-chang'i sporti havaskorlari klubi yon-bag'rida tog'-chang'i sporti bo'yicha “Qishki tatil” respublika musobaqalari bo'lib o'tdi.

Bahslarda 40 nafar sportchi (12 nafari qizlar) ishtirok etdi.

Gigant slalom bo'yicha belgilangan masofaning uzunligi va murakkabligiga ko'ra bir-biridan farqlanuvchi ikki xil trassada o'tkazilgan bahslar davomida turli yosh toifasidagi o'g'il bolalar va qizlar o'rtasida jami 18 ta medallar jamlanmasi o'z egalariga topshirildi.

Guruhlar tarkibi 2008 yilda tug'ilgan va undan kichik yoshdagi, shuningdek, 2005-2007, 2003-2004, 2001-2002, hamda 1998-2000 yillarda tug'ilgan chang'ichilardan iborat edi.

Jismoniy tarbiya va sport vazirligi, Qishki va murakkab sport turlari bo'yicha Respublika oliy sport mahorati maktabi va Qishki sport turlari associaciyasi hamkorligida tashkil etilgan musobaqada Arman Gayupov, Rolan va Rouan Raimqulovlar, Aliya Jumaboeva, Sabina Rajabova, CHingiz Saynazarov, Ellina Xamatgalieva, Medet Nazarov, Samandar Asanov, Rano Imonqulova va Sobir Rajabov o'z guruhlarida g'olib deb topildi.

Havola :

Manba : minsport.uz

Reyting: