Yozgi Universiadadagi medallarimiz 6 taga etdi, 4 tasi Taxminaga tegishli. O'zbekiston medallar jamg'arish bo'yicha nechanchi o'rinda?

Musobaqaning kechagi kungi bahslari O'zbekiston sport delegaciyasi uchun omadli keldi. Badiiy gimnastikachimiz Taxmina Ikromovaning bir o'zi 2 ta oltin, 1 ta kumush medallarini qo'lga kiritdi. Bir kun avval u yana bir kumush medalga sazovor bo'lgan edi. Taxmina ikkinchi oltin medaliga 28.700 ball evaziga tasma bilan bajarilgan mashqlarda ega chiqdi.     

Taekvondo WT bo'yicha terma jamoamiz vakilasi Madina Mirabzalova o'z vazn toifasida bronza medali bilan taqdirlandi. Bu bilan O'zbekiston sport delegaciyasining medallari 6 taga etdi - 2 ta oltin, 3 ta kumush, 1 ta bronza. Medallar jamg'arish bo'yicha umumjamoa hisobida 6-o'ringa ko'tarilib oldik. 

Bizdan avvalgi o'rinlardan Italiya, Germaniya, Xitoy, Koreya Respublikasi va AQSH davlatlari joy olgan. Amerikalik talaba-sportchilar 9 ta oltin, 6 ta kumush, 11 ta bronza, jami 26 ta medalni qo'lga kiritib ulgurishdi. Mustaqil Davlatlar Hamdo'stligi mamlakatlari orasida birinchi o'rinni egallab turibmiz. 

Markaziy Osiyo davlatlaridan Qirg'iz Respublikasi 1 ta oltin va 1 ta bronza medali bilan 14, 2 ta bronza medaliga ega Qozog'iston esa 27-pog'onani band etgan. Hozirgacha 31 davlat terma jamoalari kamida 1 ta medalga ega bo'lishgan.