Yue Yuan Seul turnirining ikkinchi finalchisi

Xitoylik tennischi uch set davom etgan yarim final bahsida dunyoning 116-raketkasi, amerikalik Emina Bektashni mag'lubiyatga uchratdi - 6/7(3), 6/4, 6/2. Yuan bu g'alabasi bilan o'zaro uchrashuvlardagi hisob muvozanatini ham tikladi - 1:1.

Roppa-rosa ikki yarim soat davom etgan bahsda Yue Yuan 8, Bektash 6 ta eys zarbasini amalga oshirgan. Qo'shxatolar Eminada ko'proq bo'ldi - 2 ga 1. Breyklar esa 4 ga 1 ko'rinishida Yue foydasiga bo'ldi. Endi CHin yurti vakilasi bosh sovrin uchun boshqa bir amerikalik tennischi, dunyoning to'rtinchi raketkasi Jessika Pegulaga qarshi kortga chiqadi.