Yurtimizda ilk bor onlayn selekciya dasturi yo'lga qo'yildi

2022 yil Senegal poytaxti Dakar shahrida o'tkaziladigan to'rtinchi o'smirlar Olimpiadasi ana shunday musobaqalar jumlasidandir. Dakar-2022ga puxta tayyorgarlik ko'rish yo'lida, shubhasiz, selekciya ishlari katta rol o'ynaydi. Ayni shu maqsadda MOQ hamda Jismoniy tarbiya va sport vazirligi chuqurlashtirilgan selekciya ishlarini olib bormoqda.

Jarayon shu paytgacha oddiy sharoitda olib borilgan bo'lsa, hozirda yuzaga kelgan karantin sabab onlayn yangi dastur yo'lga qo'yildi. Bu borada O'zbekiston taekvondo WT associaciyasi tashabbus bilan chiqdi va birinchi bo'lib vebinar tarzda tashkil etilgan dastur aynan sportning ushbu turida o'tkazildi. Onlayn tadbirda MOQ prezidenti Rustam SHoadurahmonov, Jismoniy tarbiya va sport vazirligi, MOQ hamda O'zbekiston taekvondo associaciyasining mutasaddilari, viloyatlardagi xodimlari, sportchi va murabbiylar ishtirok etdi.

Rejaga muvofiq, bugun Buxoro va Xorazm viloyatlari, shuningdek, Qoraqalpog'iston Respublikasidan 2004-2006 yillarda tug'ilgan 100 nafarga yaqin sara taekvondochilar ishtirok etishdi. Dastlavval, terma jamoamiz bosh murabbiyi Aleksandr Kim va xorijlik trener Yung Jun Kim boshchiligidagi ekspertlar yosh sportchilarning kompleks zarbalar to'plamini qanday amalga oshirayotganini tekshirib borishdi. SHundan so'ng koreyalik murabbiy dasturi asosida jang payti amalga oshiriladigan texnik va taktik harakatlar, zarbalar kombinaciyalari, turli chalg'ituvchi usullar haqida tayyorlangan videorolik qo'yib berildi. Tadbir yakunlangach ishtirok etgan ekspertlar o'z xulosalarini terma jamoa murabbiylar shtabiga taqdim etishadi. SHundan so'ng terma jamoa uchun munosib nomzodlar saralab olinishi ko'zda tutilgan.

Bunday loyiha o'zbek sportining kelajagi yo'lida muhim poydevor bo'lishi kutilmoqda. Avvalo shuni takidlash kerakki, hozirda yuzaga kelgan epidemiologik vaziyat sabab mamlakatimizda sport butunlay to'xtab qolgani yo'q. Bugun mazkur loyiha Buxoro va Xorazm viloyatlari, shuningdek, Qoraqalpog'iston Respublikasida taekvondo sport turi misolida yo'lga qo'yilgan bo'lsa, kelajakda boshqa sport turlari bo'yicha ham davom ettirilishi rejalashtirilgan.