27 apr 14:55
Yangiliklar

Velosport

Zabelinskaya Tokio Olimpiadasiga yo'llanmani qo'lga kiritdi

Yurtimiz ilk marotaba mezbonlik qilayotgan velosportning shosse yo'nalishi bo'yicha Osiyo chempionati qizg'in davom etmoqda.

Bugun, 27 aprel kuni ayollar o'rtasida 112,8 km masofaga elit guruh poygalari o'tkazildi. Ushbu bahslarda sportchilar medal bilan birga Tokio 2020 Olimpiadasi yo'llanmasi uchun bahs olib borishdi.

Barcha raqiblarini ortda qoldira olgan yurtdoshimiz, ko'plab xalqaro musobaqalar g'olibi Olga Zabelinskaya qita birinchiligidagi navbatdagi oltin medalini hamda Tokio Olimpiadasiga yo'llanmani qo'lga kiritdi.

Ertaga, 28 aprel kuni erkaklar o'rtasida elit guruh poygalari o'tkaziladi.