26 dek 20:54
Yangiliklar

Gimnastika

Zangiotada ommaviy badantarbiya mashg'uloti o'tkazildi FOTOGALEREYA

Toshkent viloyati Zangiota tumani jismoniy tarbiya va sport bo'limi bolalar-o'smirlar sport maktabi bilan xamkorlikda Zangiota tumani xududida yashovchi 7 yoshdan 70 yoshgacha bo'lgan aholi o'rtasida ertalabki badantarbiya mashg'ulotlari o'tkazildi.

Unda og'ir atletika bo'yicha Zangiota tumani faxri Osiyo chempioni, jaxon chempionatining kumush va bronza medallari sohibi, Ashxobodda o'tgan Yopiq inshootlardagi Osiyo o'yinlari g'olibi, 2010 yili Guanjouda bo'lib o'tgan Osiyo o'yinlari kumush medali soxibi Ivan Evremov hamda karate WKF sport turida 9 karra O'zbekiston chempioni, Osiyo chempioni, 2010 yili Janubiy Koreyaning Incheon shaxrida bo'lib o'tgan Osiyo o'yinlarining bronza medali egasi, uch karra markaziy Osiyo chempioni G'ofur Zoxidov ishtirok etdi.

Zangiota tumanining Eshonguzar, Turkiston, O'rta ovul va Zangiota MFY xududlarida o'tkazilgan ertalabki badantarbiya mashg'ulotlarida jami 1000 nafardan ziyod nuroniylar va o'g'il-qizlar jam bo'lishdi.