Zverev Venadagi yurishini boshladi, bu uning mavsumdagi 50-g'alabasi bo'ldi!

Dunyoning 10-raketkasi Aleksandr Zverev musobaqadagi ishtirokini g'alaba bilan boshladi. Germaniyalik tennischi ilk davrada ATP reytingida 44-pog'onada borayotgan mezbonlar vakili Sebastyan Ofnerni ortiqcha qiyinchiliksiz mag'lubiyatga uchratdi - 6/4, 6/1.

Tennischilarning o'zaro uchrashuvlaridagi hisob yiriklashdi - 3:0. Etmish etti daqiqa davom etgan bahsda Zverev 4, Ofner 5 ta eys zarbasini amalga oshirdi. Breyklar bo'yicha mutlaq ustunlik olmon tennischisi tomonda bo'ldi - 4 ga 0. Zverev mavsumdagi yubiley 50-g'alabasini tantana qildi.