05 июн 14:00
Янгиликлар

Теннис

Абдураимова ва Якшибарова Tashkent W15 турнири 1/8 финалида кортга чиқди

Хабарингиз бор, шу кунларда пойтахтимизда W15 тоифасига кирувчи турнир бўлиб ўтмоқда.

Узоқ йиллар давомида Ўзбекистоннинг биринчи ракеткаси бўлиб келган ва ўтган ойда бу мақомни Влада Якшибаровага топширган Нигина Абдураимова мусобақадаги иштирокини ғалаба билан бошлаган эди. Афсуски, 30 ёшли тажрибали теннис маликамиз 1/8 финалда мусобақанинг тўртинчи ракеткаси, ҳиндистонлик Ваишнави Адкарга 2/6, 4/6 ҳисобида ютқазиб қўйди.

Таққослаш учун, Абдураимова айни пайтда WTA рейтингида 942, Адкар 632-поғонадан жой олган. Влада Якшибарова эса аксинча, 1/4 финал йўлланмасини қўлга киритди. У 2 соату 33 дақиқа давом этган нимчорак финал баҳсида россиялик Влада Зверевани 6/3, 3/6, 6/1 ҳисобида доғда қолдирди. Якшибарова WTA рейтингида 888, Зверева эса 1190-ўринни банд этган.