Риёд-2025: Кечаги муросасиз беллашувларда 11 та медаль қўлга киритдик + ФОТО

Муросасиз кечган беллашувларда Ўзбекистон спорт делегацияси 3 та олтин, 4 та кумуш, 4 та бронза, жами 11 та медалга эга чиқди. Енгил атлетикачимиз Анвар Анваров узунликка сакраш секторида рақибларини сезиларли тарзда ортда қолдириб, олтин медалга сазовор бўлди. 

Қиличбозликнинг эркаклар ўртасидаги жамоавий рапира, аёлларда жамоавий шпага баҳсларида терма жамоамиз шоҳсупанинг энг юқори поғонасига кўтарилди. 

Кечаги кун қаҳрамонлари: 

Олтин медаллар

- Анвар Анваров (енгил атлетика, узунликка сакраш)

- Қиличбозлик, жамоавий рапира (эркаклар)

- Қиличбозлик, жамоавий шпага (аёллар)

Кумуш медаллар

- Светлана Оқназарова (аёллар кураши, -68 кг)

- Ўғилой Норбоева (енгил атлетика, кўпкураш)

- Қиличбозлик, жамоавий сабля (аёллар)

- Қиличбозлик, жамоавий сабля (эркаклар)

Бронза медаллар

- Наталия Семёнова (пара енгил атлетика, найза улоқтириш)

- Ғуломжон Абдуллаев (эркин кураш, -57 кг)

- Умиджон Жалолов (эркин кураш, -65 кг)

- Нигина Собирова (аёллар кураши, -62 кг)