16 авг 18:35
Янгиликлар

Бокс/ММА

Деонтей Уайлдернинг режалари очиқланди. Навбатда кимлар турибди?

Супероғир вазн тоифасида собиқ жаҳон чемпиони Деонтей Уайлдернинг рингга қайтиш режалари ошкор бўлди.

Америкалик 39 ёшли боксчининг менежери Шелли Финкелнинг сўзларига қараганда, унинг мижози йил охиригача рингга қайтади.

"Деонтейнинг режалари — йил сўнгги қадар қизиб олиш учун батта жанг ташкил қиламиз. Кейин 2026 йил учун катта жангларга мурожаат этамиз. Кўрамиз, балки Александр Усик ёки Энтони Жошуа билан жанг ўтказармиз", — деди Уайлдернинг менежери Шелли Финкель WBN нашрига берган интервьюсида.

Эслатиб ўтамиз, ўтган беш йил ичида Уайлдер икки бор Тайсон Фьюрига ютқазди, шунингдек, Жозеф Паркер ва Чжан Чжилэйга имкониятни бой берди. Роберт Хелениус ва Тайрелл Херндондан устун келди. Сўнгги жангини шу йилнинг июнь ойида айнан Херндонга қарши ўтказганди.