26 дек 08:56
Янгиликлар

Бокс/ММА

Чемпион иштирокидаги UFC 325 турнирига расмий постер эълон қилинди + ФОТО

UFC матбуот хизмати 31 январь куни Австралиянинг Сидней шаҳрида ташкил этиладиган UFC 325 турнирининг расмий постерини намойиш қилди.

Оқшомнинг асосий жангида ярим енгил вазн тоифасида UFC чемпиони келиб чиқиши македониялик, ҳозирда Австралия шарафини ҳимоя қилаётган 37 ёшли Александр Волкановски ҳамда UFC рейтингида иккинчи ўринни эгаллаб турган бразилиялик Диего Лопес ўзаро тўқнаш келади. Ушбу жанг реванш мақомида бўлади.

Маълумот учун, 12 апрель куни UFC 314 турнири доирасида бўлиб ўтган биринчи жангда Волкановски Лопесни ҳакамларнинг якдил қарори билан мағлуб этганди. Алекс ҳисобида 27 ғалаба ва 4 мағлубият бор. Ўз навбатида, Лопес 13 сентябрь куни бўлиб ўтган UFC Fight Night 259 турнирида Жан Сильвани техник нокаут билан мағлуб этди.