09 май 14:18
Янгиликлар

Бокс/ММА

Энтони Смит UFC`нинг таклифини рад этди

Яримоғир вазн тоифасида UFC чемпионлик камари учун собиқ даъвогар Энтони Смит промоушен томонидан бўлган таклифга рад жавобини берди.

У ўтган якшанба тонгида Рио-де-Жанейро шаҳрида ўтказилган UFC 301 турнирида бразилиялик Витор Петринога илк мағлубиятини тақдим этганди. Смитга UFC тўрт ҳафтадан сўнг жанг ўтказиш таклифини берганди.

Ташқи кўринишидан ҳамюртимиз Богдан Гусковга ўхшаб кетадиган Смитга 1 июнь куни Ньюаркда ўтказиладиган UFC 302 турнирида октагонга чиқиш таклиф қилинганди. Энтони қисқа муддатда тайёргарлик кўриш ва вазн ташлаш қийинчилик туғдиришини айтиб, бу таклифга рад жавобини берди.

Маълумот учун, Энтони Смит бундан аввалги жангида Халил Рунтрига имкониятни бой бериб қўйганди. Айни пайтда у дивизион рейтингида 10-ўринни эгаллаб турибди.