Богдан Гусков 2026 йил режалари билан ўртоқлашди

Яримоғир вазн тоифаси UFC рейтингида ўнинчи ўринни эгаллаб турган Богдан Гусков Ян Блаҳович билан тўқнашувда ғалабани қўлга кирита олмаганди. Жанг дуранг натижа билан якунига етган эди. Ҳамюртимиз келаси йилни дивизионнинг собиқ чемпионига қарши реванш жанги билан бошламоқчи.

"Мен Блаховичдан реванш олишни хоҳлардим, чунки менда ўша жангда ҳали айтиб улгурмаган сўзим, якунига етказа олмаган ишим бор. Мен ҳар қандай ҳолатда ҳам ўзимни кучли бешликда кўришни, кейин эса мендан юқорироқ бўлган жиддийроқ номларни кўриб чиқишни истардим. Лекин умуман олганда - ким ўнталикда мендан юқори бўлса, ҳар қандай рақиб қизиқарли.

Аллақачон менежерлардан февраль ойининг охири ёки март ойининг бошидаги турнирлар учун музокара олиб боришни сўраганман. Чунки одатда UFC жанглар ҳақида уч ой олдин огоҳлантиради ва мен иложи борича тезроқ қайтишни хоҳлардим. Мен соғломман, ҳеч қандай жароҳат йўқ, шунинг учун январь ойидан бошлаб тайёргарликни бошлаш ва маълум бир ресурс тўплашни режалаштиряпман", - деди Гусков. 

Маълумот учун, Богдан Гусков дунёнинг кучли Лигасида тўртта ғалабали сериядан кейин дуранг натижа қайд этган. Дебютида Волкан Ўздемирга муддатидан олдин ютқазиб қўйганди.