27 дек 14:27
Янгиликлар

Бокс/ММА

Пауло Коста Бруно Феррейрага қарши жангдан "ечилди"

Ўрта вазнда чемпионлик камари учун собиқ даъвогар Пауло Коста 7 март куни Лас-Вегасда бўлиб ўтадиган UFC 326 турнирида Бруно Феррейрага қарши жангда октагонга чиқиши керак эди.

Бразилиялик таниқли шарҳловчи Лео Гимараэшнинг маълум қилишича, унинг ҳамюрти ҳисобланган Пауло Коста бўлажак жангда қатнаша олмайди.

"Менга Пауло Коста Бруно Феррейрага қарши жангдан чиқиб кетганини айтишди. Сабаби ҳозирча маълум қилинмаяпти. Қўшимча маълумотлар пайдо бўлиши билан албатта хабар бераман", - деб ёзди бразилиялик мухбир ижтимоий тармоқдаги саҳифасида.

Маълумот учун, жорий йилда Пауло Коста битта жанг ўтказганди. У июль ойида россиялик Роман Копиловни ҳакамларнинг якдил қарори билан мағлубията учратди. Бу билан Коста Роберт Уиттакер ва Шон Стрикленддан қабул қилиб олган мағлубиятлари сериясини ёпди.

Айни пайтда Пауло Коста UFC ўрта вазн тоифаси рейтингида ўн учинчи ўринни эгаллаб турибди.