Гейниш ва Чигирёв "Тўрт қитъа кубоги"даги омадсиз иштирокини изоҳлади

Унда жуфтлик йўналиши бўйича Ўзбекистон терма жамоаси аъзолари Екатерина Гейниш ҳамда Дмитрий Чигирёв ҳам иштирок этиб, қисқа дастурда 61.94, эркин дастурда эса 110.50, жами 172.44 балл жамғарди ҳамда 10 та жуфтлик орасида саккизинчи натижани қайд этишди.

Мусобақадан сўнг спортчиларимиз ўз фикрлари билан ўртоқлашди:

Екатерина Гейниш — "Бу мусобақа олдидан бизнинг тайёргарлигимиз унчалик яхши эмасди, қисқа танаффус бўлди, кейин кетма-кет бир нечта мусобақаларда қатнашдик. Эҳтимол, бу қандайдир таъсир кўрсатгандир. Биз имкон қадар яхши тайёргарлик кўришга ва Жаҳон чемпионатида энг яхши формада бўлишга ҳаракат қиламиз".

Дмитрий Чигирёв — "Биз 100% ва эҳтимол ундан ҳам кўпроқ формага киришни режалаштиряпмиз. Кейин эса Жаҳон чемпионатидаги мақсад ва умидларимизни аниқлаймиз".

Ёдингизда бўлса, февраль ойи аввалида Гейниш ва Чигирёв жуфтлиги қишки Осиё ўйинларида қатнашиб, олтин медалга эга чиққан эди.