"Гладиатор" Парижда жанг қилади

Мусобақадан ўрин олган навбатдаги баҳс эълон қилинди. Унга кўра, яримўрта вазн тоифасида фаолият юритувчи россиялик аралаш яккакураш устаси Ринат Фахретдинов турнир доирасида Швеция вакили Андреас Густафссон билан тўқнаш келади.

UFC Paris турнирининг марказий жанги Франция вакили Нассурдин Имавов ҳамда бразилиялик Кайо Борральо ўртасида кечади. Ушбу жанг даъвогарлик мақомида бўлиб, ғолиб чемпионлик камари учун октагонга чиқиш ҳуқуқини қўлга киритади.  

Маълумот учун, 33 яшар Ринат Фахретдинов фаолияти давомида 25 та жанг ўтказиб, 23 ғалаба, 1 мағлубият ва 1 та дуранг қайд этган. У ўз вақтида ҳамюртимиз Нурсултон Рўзибоев билан жанг қилиши керак бўлган, бироқ баҳс бекор қилинган. 34 ёшли Андреас Густафссон ҳисобида эса 12 та ғалаба ва 2 мағлубият бор.