25 апр 12:42
Янгиликлар

Теннис

Истомин Рим турнирининг саралаш финалида кортга чиқди

Италия пойтахти Рим шаҳрида теннис бўйича "Челленжер" туркумига кирувчи турнирнинг саралаш баҳслари якунига етди.

Ушбу мусобақада тажрибали теннисчимиз Денис Истомин ҳам ўз имкониятини синовдан ўтказди. Ҳамюртимиз саралаш баҳсларининг ярим финалида рейтингда ўзидан 351 поғона юқорида бораётган германиялик Себастьян Фанзеловдан 6/4, 4/6, 6/3 ҳисобида устун келган эди.

Афсуски, Истомин асосий тўрга йўлланма берган учрашувда саралашнинг ўнинчи ракеткаси, италиялик Франческо Фортига 1/6, 3/6 ҳисобида имкониятни бой бериб қўйди.

Таққослаш учун, Денис ATP рейтингида 760, Франческо эса 357-поғонадан жой олган. Бугун Форти асосий тўрнинг илк даврасида дунёнинг 170-ракеткаси, италиялик Андреа Пеллегринога қарши кортга чиқади.