29 июн 12:00
Янгиликлар

Бокс/ММА

Жейк Пол - Хулио Сезар Чавес рейтинг жанги тўлиқ давом этди

АҚШнинг Анахайм шаҳрида навбатдаги профессионал бокс турнири бўлиб ўтди.

Оқшомнинг асосий жанги биринчи оғир вазн тоифасида ўтказилиб, унда таниқли блогер-боксчи Жейк Пол ўрта вазнда собиқ жаҳон чемпиони мексикалик Хулио Сезар Чавесга қарши рингга кўтарилди.

Ўн раунд тўлиқ давом этган рейтинг жангида америкалик блогер ҳакамларнинг якдил қарори билан очколар ҳисоби бўйича ғалаба қозонди - 109-101, 107-103, 108-102. Бугунги ғалабасидан кейин Пол WBC ва WBA йўналишлари рейтингига киритилди.

Маълумот учун, Жейк Пол бундан аввалги жангини 2024 йилнинг ноябрь ойида 58 ёшли афсона Майк Тайсонга қарши ўтказиб, очколар бўйича зафар қучганди. 28 яшар Жейкнинг проф боксдаги рекорди 7 ғалаба ва 1 мағлубиятни ташкил қилмоқда. 39 ёшли Чавес ҳисобида 53 ғалаба, 1 дуранг ва 7 мағлубият бор.