03 ноя 11:54
Янгиликлар

Бокс/ММА

Маҳмуд Мурадов USADA назоратидан ўтди + ФОТО

Ўрта вазн тоифасида ўзбекистонлик UFC жангчиси Маҳмуд Мурадов USADA допинг назоратидан муваффақиятли ўтиб олди.

Бу ҳақда ҳамюртимиз ўзининг Instagram саҳифаси орқали хабар берди. Мурадов шу кунларда Чехияда навбатдаги жанги учун тўлиқ режимдаги машғулотларни олиб бормоқда. У сўнгги жангидан сўнг тиззасидан жароҳат олиб, жарроҳлик столига ётишга мажбур бўлган эди.

Мурадов olamsport.com мухбири билан суҳбатда кейинги жангини 2024 йилнинг бошида ўтказмоқчи эканини айтганди.

Эслатиб ўтамиз, Маҳмуд Мурадов (26-8-0) UFC'даги сўнгги жангини 22 июль куни Лондонда америкалик Брайан Барберена (18-11-0)га қарши ўтказиб, очколар ҳисобига кўра ғалаба қозонган эди. Ҳамюртимиз UFC'да ҳозиргача умумий ҳисобда олтита жанг ўтказиб, уларнинг тўрттасида ғалаба қозонган ва иккита жангда мағлуб бўлган.