21 дек 09:59
Янгиликлар
Бокс/ММА
Хуршидбек Расулжонов жамоаси Мурод Алиевнинг "вызов"ига жавоб берди
Иккинчи ярим енгил вазн тоифасида EBP (Eurasian Boxing Parliament) чемпиони ҳамюртимиз Хуршидбек Расулжонов ушбу камарнинг собиқ соҳиби Мурод Алиевнинг чақирувига жавоб қайтарди.
"Алиев фаол боксчи эмас, у ҳозир бизга қизиқ эмас. Бизга рейтингнинг юқори қисмидаги рақиблар керак", - деди Расулжоновнинг менежери Рустем Имангалиев AllBoxing мухбири Кирилл Иванов билан суҳбатда.
Эслатиб ўтамиз, Алиев сўнгги жангини 2024 йилнинг март ойида ўтказиб, ҳакамларнинг якдил қарори билан колумбиялик Хосе Муньосни мағлуб этган ва шундан сўнг бир йил-у тўққиз ой давомида рингга чиқмаган эди.
Хуршидбек Расулжоновга келсак, у шу йилнинг ноябрь ойида африкалик Люсанда Команисини иккинчи раунддаёқ нокаутга учратганди. Ўша жангдан икки ҳафта олдин Алиевга рингга чиқишни таклиф қилган ва рад жавобини олганди. Демак, айб Муроднинг ўзида.
Ҳавола :
Манба : championat.com
Фикрлар