29 мар 16:03
Янгиликлар

Бокс/ММА

Нурсултон Рўзибоев Дюмадан кейин Маҳмуд Мурадов учун реванш олмоқчи

UFC промоушенидаги аралаш яккаккураш устамиз Нурсултон Рўзибоев кейинги режалари билан ўртоқлашди.

Ҳамюртимиз якшанба тонгида америкалик Седрик Дюмага қарши ўтказиладиган жангидан кейин ким билан октагонда юзма-юз келишни хоҳлашини айтди.

"Агар Дюмани мағлубиятга учратсам, кейин фақат бир киши ҳақида ўйлай бошлайман —Жеральд Мершерт. У ватандошим Маҳмуд Мурадов билан жанг қилиб ғалаба қозонганди. Шунинг учун ҳам, кейинги рақибим сифатида айнан Жеральдни кўрмоқчиман. Мурадов учун реванш олишни истайман", — деди Рўзибоев.

Эслатиб ўтамиз, Маҳмуд Мурадов 2021 йилнинг 29 август куни Лас-Вегасда ўтган UFC Vegas 35 турнирининг асосий кардида Жеральд Мершертга қарши октагонга кўтарилганди. Ўша жангнинг иккинчи раундида Мершерт Мурадовни бўғиб қўйган эди.