Қозоғистонлик аралаш яккакураш устаси рақамланган UFC турнирида жанг қилади

Оқшом доирасида қозоғистонлик Николай Веретенников ҳам жанг ўтказиши маълум бўлди. У америкалик Пунахили Сорианога қарши октагонга чиқади. UFC`даги фаолиятини икки мағлубият билан бошлаган қозоғистонлик аралаш яккакураш устаси шу йил июль ойида октагонга муваффақиятли қайтди. Веретенников ҳакамларнинг айри қарори билан  Франсиско Прадодан устун келди.

Ўрта вазнда ўз жангларини ўтказиб келган Пунахили Сориано эса ўтган йили яримўрта вазнга ўтганди. У ўзи учун янги вазнда Мигель Баезни очколар ҳисобига, Урош Медични нокаут эвазига мағлубиятга учратди. Ҳозирча Веретенников - Сориано тўқнашуви эрта прелим карднинг илк жанги бўлиб турибди.