06 июл 15:39
Янгиликлар

Бокс/ММА

Расман! Тўртта камар соҳиби бўлиб турган Усикнинг навбатдаги жанги тасдиқланди + ПОСТЕР

Супероғир вазн тоифасида WBO, WBA, IBF, ва IBO йўналишлари чемпиони Александр Усикнинг жанги расман ўз тасдиғини топди.

Украиналик жаҳон чемпиони 26 август куни Польшанинг Вроцлав шаҳридаги "Тарчински Арена"да британиялик Даниель Дюбуага қарши рингга кўтарилади. Маҳаллий "Шлёнск" клубининг уй аренаси ҳисобланган ушбу стадион ўз бағрига 45 минг томошабинни сиғдира олади.

Маълумот учун, Александр Усик проф рингдаги 20 та жангининг барчасида ғалаба қозонган. Сўнгги жангини ўтган йилнинг август ойида Энтони Жошуага қарши ўтказиб, британиялик номдор рақибини ҳакамларнинг айри қарори билан очколар ҳисобига кўра мағлуб этган эди. Дюбуа эса профессионал фаолият давомида 19 та ғалаба ва битта мағлубият қайд этган.