Даниэль Кормье айни пайтда дунёнинг энг яхши икки MMA жангчисини айтди

"Арман Царукян фаол бўлиш учун талаб этиладиган ҳамма нарсани қиляпти, деб ҳисоблайман. Бу йигит дунёдаги энг яхши енгил вазнли спортчи бўлиши мумкин. Ислам бошқа вазнга ўтганидан бери жуда кучли кўринмоқда. Унинг габарити катта, ўзи кучли, жисмонан жуда бақувват", - деди Korme Red Corner ММА портали тарқатган видеода.

Шунингдек, собиқ чемпион енгил вазн тоифасида амалдаги UFC чемпиони Илия Топурияни алоҳида таъкидлаб, бугун айнан у ва Царукян MMA бўйича жаҳон чўққисида турганини айтиб ўтди.

"Илия Топурия - ажойиб чемпион. Ўйлашимча, Илия ва Арман ҳозирда дунёнинг энг яхши икки жангчиси. Кун келиб улар албатта ўзаро жанг ўтказишлари керак", - дея таъкидлади Кормье.

Даниэлнинг сўзларига кўра, Царукян ва Топурия ўртасидаги потенциал қарама-қаршилик жуда ҳам қизиқ.

"Пэдди Пимблетт яхши, Жастин Гэтжи ҳам, лекин Арман ва Илия ўртасидаги жанг анчагина қизиқ. Нафақат маҳорат бобида - уларнинг жанги атрофида ҳақиқатан ҳам катта воқеа қуриш мумкин. Арман шунчаки фантастик жангчи. У Дэн Хукер билан жангда ҳам ажойиб кўринишга эга эди", - дея сўзларига якун ясади DC.