02 ноя 08:47
Янгиликлар

Бокс/ММА

Шоҳасан Мирзаматов қозоғистонлик рақибига "вызов" ташлади, у Octagon лигадан чемпионлик жанги сўраяпти

Ярим ўрта вазн тоифасида ўзбекистонлик аралаш яккакураш устаси Шоҳасан Мирзаматов ушбу вазнда Octagon лигаси чемпиони, қозоғистонлик Георгий Кичигинни жангга чорлади.

"Мен аллақачон чемпионлик жангига тайёрман. Кичигин кўп гапирди, лекин ғалабамдан кейин жим бўлиб қолди. Биз жангда қайси биримиз қўрқоқ эканлигимизни билиб олишимиз керак. Мен сени нима қилишимни биласан ва шунинг учун ҳам шошилма. Чемпионлик камаримни Ўзбекистонга олиб боришни интиқлик билан кутяпман. Фақат қочма!", - деди Шоҳасан Кичинга мурожаат қилар экан.

Эслатиб ўтамиз, Шоҳасан Мирзаматов 21 октябрь куни Олма-Ота шаҳрида (Қозоғистон) ташкил этилган Octagon 51 турнирида бразилиялик Нилсон Гомес билан жанг қилиб, муддатидан олдин ғалаба қозонган эди.