Тошкент "Челленжер" турнирининг сўнгги чемпиони уйланди + ФОТО

Ўша турнирда канадалик Феликс Оже-Альяссим турнир бош совринини қўлга киритганди. Ўшанда 18 ёшли Феликс мусобақанинг асосий тўрига саралаш баҳсларидаги муваффақиятли иштироки сабаб етиб келганди. Чорак финалда турнирнинг иккинчи ракеткаси Денис Истоминни 7/6(4), 6/3 ҳисобида мағлубиятга учратган Оже бош соврин учун кечган баҳсда польшалик Камил Майржакдан устун (6/3, 6/2) келганди.  

Ҳозирда дунёнинг 13-ракеткаси бўлиб турган Феликс Оже-Альяссим бўйдоқлик билан хайрлашди. 25 ёшли теннисчи Нине Гайби билан ҳаёт йўлларини боғлади. Жуфтлик 2019 йилдан бери учрашиб келарди. Тўй Марокашда ўтказилди. 

Канадалик бу йилги мавсумда US Open — 2025 1/2 финалига қадар етиб борди. Австралиянинг Аделаида ҳамда Франциянинг Монпелье шаҳарларида ташкил этилган ATP-250 тоифасига кирувчи турнирларда чемпион бўлди.