30 июл 10:25
Янгиликлар
Сув спорти турлари
Тошкент илк бор сузиш бўйича Жаҳон кубоги босқичини қабул қилади
Бу ҳақдаги қарор World Aquatics ташкилотининг Сингапурда давом этаётган Конгрессида қабул қилинди.
Кеча хабар берганимиздек, Конгресс давомида Ўзбекистон Миллий Паралимпия қўмитаси раисининг биринчи ўринбосари Шаҳноза Мирзиёева World Aquatics Ижроия қўмитаси Бюроси аъзолигига сайланган эди.
Конгрессда шунингдек, сузиш бўйича Жаҳон кубогининг 2026 йилги босқичлари учун мезбонлар аниқлаб олинди. Тадбирда Жаҳон кубогининг барча босқичлари "Ипак йўли" номи остида ўтказилиши белгилаб олинди.
Мусобақалар Озарбайжон, Ўзбекистон (Тошкент) ва Қозоғистонда ўтказилиши эълон қилинди.
Ташкилотчиларнинг таъкидлашича, баҳслар 25 метр узунликдаги бассейнларда ўтказилади. Мусобақаларнинг аниқ тақвими ҳар уччала мезбон федерация билан келишган ҳолда тузилади.
Ҳавола :
Манба : WorldAquatics.org
Фикрлар