“Президент Олимпиадаси”да ғолиб ва совриндор бўлган пойтахтлик спортчилар тақдирланишди + ФОТОГАЛЕРЕЯ

Шу муносабат билан пойтахтимиздаги “Ренессанс” кино уйида мусобақада шоҳсупага кўтарилган Тошкент шаҳри вакиллари, шунингдек, юқори натижа қайд этган шаҳар федерация бўлимларини тақдирлаш маросими бўлиб ўтди.

Тадбирда Спорт вазирлиги, Ўзбекистон Миллий Олимпия қўмитаси ҳамда Тошкент шаҳар ҳокимлиги раҳбарияти, шаҳар спорт бошқармаси мутасаддилари, спортчилар ва уларнинг яқинлари иштирок этди.

Маросим давомида 51 нафар спортчи планшет, 35 нафар мураббий телевизор билан тақдирланди, шунингдек, таэквондо WТ, спорт курашлари, бадиий гимнастика ва 3х3 баскетбол йўналишларида янги спорт объектларини барпо этиш учун федерация бўлимларига махсус ваучерлар топширилди.