15 дек 10:20
Янгиликлар

Бокс/ММА

UFC Fight Night 266 турнири учун яна бир қизиқарли жанг тасдиқланди + ПОСТЕР

2026 йилнинг 7 февраль куни АҚШнинг Невада штати Лас-Вегас шаҳрида UFC Fight Night 266 турнири бўлиб ўтади.

Ташкилотчилар томонидан ушбу турнир учун навбатдаги жанг расман тасдиқланди. Энг енгил вазн тоифаси вакиллари Киоджи Хоригучи ва Амир Албази ўзаро октагонда тўқнаш келишади.

Амир Албази 2024 йилнинг ноябрь ойидан бери жанг ўтказмаган. Ўшанда у ҳакамларнинг якдил қарори билан Брэндон Моренога очколар ҳисобига кўра имкониятни бой бериб қўйганди. Бу билан Амир ўзининг бешта ғалабали сериясига барҳам берганди.

Киоджи Хоригучи эса шу йилнинг ноябрь ойида россиялик Тагир Уланбековни учинчи раундда бўғиш усули билан мағлубиятга учратганди. Айни пайтда Амир Албази UFC рейтингида бешинчи, Киоджи Хоригучи эса саккизинчи ўринни эгаллаб турибди.