08 май 15:42
Янгиликлар

Бокс/ММА

АҚШдаги ҳамюртимиз Фирдавс Ҳасановнинг навбатдаги рақиби ва жанг санаси маълум + ПОСТЕР

Энг енгил вазн тоифасида ўзбекистонлик аралаш якка кураш устаси Фирдавс Ҳасановнинг (9-4-0) навбатдаги жанги тафсилотлари маълум бўлди.

Ҳамюртимиз 24 май куни АҚШнинг Массачусеттс штати Уилмингтон шаҳрида ташкил этилаётган Combat FC 7 турнири доирасида октагонга кўтарилади. Ўша куни Фирдавсга америкалик Карлос Лозоя (9-4-0) рақиблик қилади.

Мусобақа UFC Fight Pass платформаси орқали трансляция қилинади.

Маълумот учун, Фирдавс Ҳасанов UFC жангчимиз Нурсултон Рўзибоевнинг жамоадоши ҳисобланади. У сўнгги жангини 2023 йил июнь ойида америкалик Крис Жонсонга қарши ўтказиб, очколар ҳисобига кўра ғалаба қозонган эди.