06 янв 16:49
Янгиликлар

Теннис

15 ёшли теннисчи қиз Гонконгда чемпион бўлди

Гонконгда ITF таснифига кирувчи теннис турнири якунланди.

Соврин жамғармаси 25 000 АҚШ долларини ташкил қилувчи мусобақада 15 ёшли Дарья Лопатецкая ғолибликни қўлга киритди. Бу украиналик теннисчининг профессионал фаолиятидаги учинчи соврини бўлди.

Даша ҳал қилувчи финал учрашувида чехиялик Барбора Штефковани 6:4, 6:2 ҳисобида мағлуб этди. Лопатецкая бу ғалабаси эвазига WTA рейтинги учун қимматли бўлган 50 очкони қўлга киритди.