18 нафар Нобель мукофоти лауреатларини етиштириб берган профессор МОҚда семинар ўтказди

Бу борада Ўзбекистон Республикаси Жисмоний тарбия ва спорт вазирлиги, Ўзбекистон Миллий олимпия қўмитаси ва Ўзбекистон давлат жисмоний тарбия ва спорт университети томонидан муайян ишлар амалга оширилмоқда. 

Ўзбекистон Миллий олимпия қўмитасида 18 нафар Нобель мукофоти лауреатларини етиштириб берган Франциянинг Страсбург университети профессори, бошқарувни ташкил қилиш соҳаси бўйича фан доктори Гари Трибу спорт федерациялари ходимлари, Ўзбекистон давлат жисмоний тарбия ва спорт университети талабалари ва мустақил изланувчилар билан учрашув ўтказди. 

Учрашувни Гари Трибу семинар шаклида ўтказиб, йиғилганларга спорт хизматларида маркетингнинг муҳимлиги, спорт клублари ва федерацияларда инновацион концепцияни қўллаш, спорт клублари ва федерацияларни ривожланиш маркетинг режасини ишлаб чиқиш, спорт маркетинги асослари, спорт ташкилотларини молиялаштириш каби муҳим маркетинг хизматлари ҳақида тушунча берди. 

Шунингдек, ривожланган давлатларда қўлланилаётган юқори самарали замонавий таълим ва инновацион технологияларни ўқув жараёнига тадбиқ этиш масалаларига алоҳида эътибор қаратди.