18 ёшли Алина Загитова 1,1 миллион доллар ишлади

Forbes маълумотига кўра, Загитова 2019/20 йилги мавсумдаги натижалари орқали 25 минг ишлаган. У шунингдек 52000 рубль миқдоридаги президент стипендиясини олади. 

Қишда у "Спящая красавица" спектаклидаги 22 та чиқиши учун 8,06 миллион рубль гонорар олган. 

У шунингдек хориждаги бир неча муз шоуларида чиқиш қилган. Японлар унга чиқиши учун 10 минг доллар тўлашгани ҳақида маълумотлар бор. 

Қолаверса Загитованинг Puma, Shiseido, Airweave каби компаниялар билан 100 мингдан 200 минггача бўлган шартномалари бор. 

Шунингдек у Aqua Minerale, «Сбербанк» ва «Аэрофлот» акцияларида қатнашган. 

Эслатиб ўтамиз, у 2019 йилнинг 13 декабрида спортдаги фаолиятини якунлашини эълон қилганди. Бироқ, июнь ойи бошида Новогорскда яна машғулотларни бошлаб юборди.