08 сен 15:35
Янгиликлар

Теннис

18 ёшли Лейла Мария Шараповага тегишли 16 йиллик рекордни янгилади

Канадалик 18 ёшли иқтидор эгаси Лейла Фернандес US Open турнирининг сўнгги 16 йилдаги энг ёш теннисчисига айланди.

Бундан аввалги рекорд россиялик теннис маликаси Мария Шараповага тегишли эди. Шарапова 2005 йилги АҚШ Очиқ чемпионатининг ярим финалида кортга чиқиш орқали ўша пайтдаги рекордни ўрнатганди.

Дунёнинг 73-ракеткаси бўлиб турган 18 ёшли Лейла кеча US Open турнирининг чорак финалида дунёнинг бешинчи ракеткаси, украиналик Элина Свитолинани шов-шувли тарзда мағлубиятга учратганди. Ушбу натижаси сабаб у келаси ҳафта WTA рейтингида Топ-40да дебют қилади.