26 мар 18:04
Янгиликлар

Теннис

20 ёшли Ига Свёнтек Майами турниридан кейин биринчи ракеткага айланади

Польшалик теннис маликаси Ига Свёнтек Майами турнири якунланганидан сўнг WTA рейтинги пешқадамига айланиб олади.

Свёнтек мусобақанинг иккинчи даврасида Виктория Голубични мағлуб этганидан сўнг дунёнинг биринчи ракеткаси бўлиши ойдинлашган. Игани биргина Паула Бадоса қувиб ўтиши мумкин эди.

Эслатиб ўтамиз, бир неча ҳафта давомида рейтинг карвонбошиси бўлиб келган австралиялик Эшли Барти фаолиятини якунлаганини эълон қилганди. Свёнтек WTA рейтингини бошқарган 28-теннисчига айланади.

Маълумот учун, Свёнтек 2001 йилнинг 31 май куни таваллуд топган ва теннисдаги профессионал фаолиятини 2016 йилда бошлаган. Свёнтек 2020 йил, 19 ёшида "Катта Дубулға" туркумига кирувчи "Ролан Гаррос" турнири чемпиони бўлган. Бу йил Аustralian Open'нинг ярим финалига қадар етиб келди.