25 окт 08:02
Янгиликлар
Бокс/ММА
3 та олтин, 3 та бронза: ўсмирларимиз Қозоғистондаги халқаро турнирда совриндор бўлишди
19-23 октябрь кунлари Қозоғистоннинг Аксай шаҳрида бокс бўйича 2007-2008 йилларда туғилган боксчилар ўртасида халқаро "Дўстлик кубоги" мусобақаси ўтказилди.
Ушбу халқаро мусобақада Қозоғистон, Россия, Тожикистон, Қирғизистон ва Ўзбекистондан спортчилар иштирок этишди.
Терма жамоамиз 6 нафар спортчи билан беллашувларда қатнашди. Эътиборлиси, баҳсларда иштирок этган спортчиларимизнинг барчаси медалга сазовор бўлди.
Вакилларимиздан Шаҳбоз Эргашев (52 кг), Ҳикматулло Ўлмасов (-60 кг) ва Акбар Аҳмадов (-63 кг) олтин, Муҳаммадазиз Қўлдошалиев (-50 кг), Иброҳим Ғиёсов (-52 кг) ва Муродилла Суннатуллаев (-54 кг) бронза медалини қўлга киритди.
Ҳавола :
Манба : t.me/boxinguzbekistan
Фикрлар