Маҳмуд Мурадов UFCдаги фаолиятини ғалаба билан бошлади

Ушбу жангда ҳамюртимизга италиялик Алессио Ди Чирико рақиблик қилди. Ҳамюртимиз дастлабки икки раундда яхши ҳаракат қилди ва ўзи учун муҳим очколарни ишлаб олди. Учинчи раундда эса ташаббус италиялик спортчи томонга ўтди. Маҳмуд бу ерда чарчаб қолди. Аммо, у дастлабки раундларда ишлаган очколари эвазига якунда бир овоздан 29:28, 29:28, 29:28 ҳисобларида ғалаба қозонди ва UFCдаги фаолиятини ғалаба билан бошлади. 

Olamsport.com сайтида жангдан матнли трансляция олиб борилди. 

22:52. ҒАЛАБА!!! Ҳакамлар бир овоздан Маҳмуд Мурадовнинг 29:28 ҳисобида ғалаба қозонганини қайд этишди. 

22:51. Жанг якунланди! Натижани кутамиз!

22:50. Учинчи раундда италиялик спортчи устунлик қилмоқда. Маҳмуд чарчаб қолди. Яна озгина чидаш керак!!!

22:46. Иккинчи раундда Мурадов фаоллик кўрсатди. Барчаси жойида. Энди ҳал қилувчи раундни кўрамиз.

22:42. Спортчимиз эҳтиёткорлик билан жанг олиб бормоқда.

22:39. Маҳмуд учун UFCдаги биринчи раунд ёмон ўтгани йўқ. Раунд сўнггида у яхшигина ҳужумга ўтди ва рақибини йиқитди. Рақибдан қон чиқди. 

22:34. Жанг бошланди.

22:33. Ҳар икки спортчи октагонда. Маҳмуд Ўзбекистон ва Чехия байроғи билан чиқиб келди. 

22:28. Ва ниҳоят Маҳмуд Мурадов ва Алессио ди Чирико ўртасидаги жанг бошланмоқда. Спортчилар октагонга чиқиб келишмоқда.

22:22. Австриялик спортчи Исмаил Наурдиев Баходурзодани мағлуб этди. 

22:17. Оз қолди. Бироздан сўнг Маҳмуд иштирокидаги жанг бошланади. 

21:58. Энди Сияр Бахадурзода (Афғонистон) ва Исмаил Наурдиев (Австрия) ўртасидаги жангни кўрамиз. 

21:54. Девис ва Чикадзе ўртасидаги жангда дуранг қайд этилди. 

21:47. Жангларни томоша қилиш учун линклар УШБУ САҲИФАДА эълон қилинди. 

21:44. Маҳмуд Мурадов иштирокидаги жанг Тошкент вақти билан тахминан 22:00 дан сўнг бошланиши кутилмоқда.  

21:41. Ҳозирча турнир доирасида Гига Чикадзе ва Брендон Девис ўртасида жанг ўтказилмоқда. 

21:38. Ассалому алайкум ҳурматли мухлислар. Дания пойтахти Копенгаген шаҳрида UFC Fight Night 160 турнири бошланган. Бироздан сўнг ушбу жанг оқшоми доирасида ўзбекистонлик аралаш қоидалар жангчиси Маҳмуд Мурадов октагонга чиқади. Ушбу жангда ҳамюртимизга италиялик Алессио ди Чирико рақиблик қилади.