14 ноя 07:54
Янгиликлар

Теннис

37 ёшли Федерер Якуний турнирнинг иккинчи баҳсида ғалабага эришди

Буюк Британиянинг Лондон шаҳрида теннис бўйича эркаклар ўртасидаги йилнинг ATP Якуний турнири давом этмоқда.

Маълумки, Якуний турнирда дунё рейтингининг кучли саккизталигидан жой олган ракетка усталари бош соврин учун баҳс олиб боришмоқда. Дунёнинг учинчи ракеткаси Рожер Федерер илк турдаги мағлубиятдан сўнг ғалабага эришди.

Швейцариялик 37 ёшли теннис юлдузи рейтингнинг саккизинчи поғонасидан жой олган австриялик Доминик Тимга қарши кортга чиқди. Олтмиш олти дақиқа давом этган учрашувда Федерер рақибини 6/2, 6/3 ҳисобида енгди. Тим кетма-кет иккинчи мағлубиятини қабул қилиб олди.