39 йил комада ётган франциялик футболчи вафот этди

Жан-Пьер Адамс "Ницца" билан Франция чемпионатининг кумуш медали соҳиби бўлган. Футбол бўйича Франция терма жамоаси таркибида 1972 йилдан 1976 йилгача 22 та ўйин ўтказган.

Адамс умрининг кўп қисмини комада ўтказди. 1982 йилнинг 17 март куни у Лион касалхонасида операция қилинди ва анестезиологнинг хатоси туфайли комага тушиб қолди. Операция вақтида футболчининг юраги тўхтаб, мияси шикастланган. Муваффақиятсиз операциядан сўнг, Жан-Пьер Адамс касалхонада 15 ой комада ётди, шундан кейин унга Ним шаҳрида рафиқаси Бернадетт қарайди. 39 йил давомида у ҳеч қачон ҳушига келмаган.