43 ёшли Гловер Тейшейра Жамал Хиллга қарши жангдан сўнг фаолиятини якулаганини маълум қилди

Бироз аввал мусобақанинг марказий — Гловер Тейшейра - Жамал Хилл чемпионлик жанги бўлиб ўтган эди. Унда америкалик Хилл ҳакамларнинг якдил қарори билан яримоғир вазнда UFC собиқ чемпиони Гловер Тейшейрани мағлуб этиб, янги чемпионга айланган эди. Жанг якунига етганидан сўнг, UFC афсоналаридан бўлмиш 43 ёшли Гловер Тейшейра фаолиятини якунлаганини эълон қилди. Ўз навбатида, UFC ҳам жангчига миннаддорлик билдирди.

Маълумот учун, шу йил октябрь ойида 44 ёшга тўладиган Гловер Тейшейра фаолияти давомида 41 та жанг ўтказиб, 33 ғалаба ва 8 мағлубият қайд этган. Ўтган йилнинг июнь ойида у чехиялик Иржи Прохазкага имкониятни бой бериб, яримоғир вазндаги UFC чемпионлик камаридан маҳрум бўлганди. Ўша жангда очколар ҳисобига кўра ғалаба қозонаётган Гловерни Иржи сўнгги сонияларда бўғиб қўйган эди.

He became the second oldest champion in UFC history in 2021!@GloverTeixeira announces his retirement following the conclusion of #UFC283 ???????????? pic.twitter.com/NE1xnwM9lQ

— UFC (@ufc) January 22, 2023