46th Chess Olympiad Samarkand 2026 старт олмоқда. Илк турда терма жамоаларимиз кимларга қарши дона суради?

Мезбон сифатида Ўзбекистон эркаклар ва аёллар терма жамоалари учтадан таркибда юртимиз шарафини ҳимоя қилади. Соат 15:00да бошланадиган 1-тур жуфтликлари маълум бўлди. 

Ўзбекистон эркаклар терма жамоасининг асосий таркиби Ямайкага, аёллар терма жамоамиз эса Тринидад ва Тобагога қарши баҳс олиб боради. 

Ўзбекистон 2 эркаклар терма жамоамиз 1-турда Афғонистонга, аёллар терма жамоамиз эса Тогога қарши дона суради. Ўзбекистон 3 жамоаси Мали, қизларимиз эса Танзания терма жамоаси билан ҳисоб-китоб қилади.   

Маълумот учун, Ҳиндистон эркаклар ва аёллар терма жамоалари амалдаги Олимпиада чемпиони ҳисобланади. 2024 йил Венгриянинг Будапешт шаҳри мезбонлик қилган 45-Бутунжаҳон шахмат Олимпиадасида Ҳиндистон эркаклар ва аёллар терма жамоалари олтин медалга эга чиққанди. 2022 йилги Олимпиада чемпиони Ўзбекистон эркаклар терма жамоаси икки йил аввал бронза медалига сазовор бўлган эди.