ММА: Ўзбекистонлик спортчи Алматида жанг қилади

Эртадан кейин 18 июнда Қозоғистоннинг Алмати шаҳридаги “Almaty Arena” спорт мажмуасида аралаш жанг бўйича ўтказиладиган EFC 37 халқаро турнирида 13 та жуфтлик октагонга кўтарилади, дея хабар тарқатди Vеsti.kz сайти.

Эътиборлиси, Алмати турнирда ҳамюртимиз Дадахон Хасанов ҳам ғолиблик учун жанг олиб боради. Ҳамюртимиз ушбу жангда тожикистонлик Раджабали Файзидиний билан ғолиблик учун курашади.

Мазкур мусобақанинг ўзига хос жиҳатларидан яна бири, мусобақаларни бевосита кузатиш учун Алматига аралаш жанг бўйича енгилмас жаҳон чемпиони Хабиб Нурмагомедов ҳам ташриф бюради.

Қозоғистондаги интернет тармоқларининг хабар беришича, 18 июндаги аралаш жангларни бевосита спорт мажмуада кўриш учун мухлислар ўртасида Нурмагомедов номидан махсус билетлар танлови эълон қилинди. 

Алмати октагонидаги асосий жанглар россиялик спорт фахрийси Шамил Завуров ва бразилиялик РикардоТирлони ўртасида кечади.

EFC 37 халқаро турнирининг тўлиқ карди қуйидаги кўринишни олган:

1. Виталий Радионов (Қозоғстон) - Шамиль Магомедов (Россия);

2. Дмитрий Михайлиди (Россия) - Рамин Султанов (Озарбайжон);

3. Ахубег Омаров (Россия) - БаймуратСайтиев (Қирғизистон);

4. Жора Айвазян (Россия) - ЖиргалбекЭмилбеков (Қирғизистон);

5. Шахбан Алхасов (Россия) - Юрий Ермоленко (Россия);

6. Дадахон Хасанов (Ўзбекистон) - Раджабали Файзидини (Тожикистон);

7. Дияр Нургожай (Қозоғистон) - Вадим Литвин (Беларусь);

8. Исатай Темиров (Қозоғистон) - Денис Измоденов (Россия);

9. Санжар Адилов (Қозоғистон) - Ильмиямин Джавадов (Россия);

10. Тьяго Бонифацио (Бразилия) - Валерий Грицутин (Россия);

11. Михаил Малютин (Россия) - Умиджон Мусаев (Тожикистон);

12. ЖасуланАкимжан (Қозоғистон) - Роман Авдал (Россия);

13. Шамиль Завуров (Россия) - РикардоТирлони (Бразилия).

Тўлқин РЎЗИЕВ