09 июн 05:58
Янгиликлар

Бокс/ММА

UFC'га "эркалик" қилаётган Фигередо ўз вазнида қолиш учун шартини айтди

Ўта енгил вазнда UFC'нинг амалдаги чемпиони Дэйвисон Фигередо ўз вазнида қолиши учун зарур шартни айтди.

"Барча чемпионлар орасида энг қисқа муддатда иккинчи бор жанг қилиб, UFC мусобақасининг асосий жангини сақлаб қолдим, энди эса мени "синдиришяпти". Камар меники. Морено ва Кара-Франс "пластмас" камар учун жанг қилади.

Бу вазндан кетишимни истисно қилмайман. UFC билан келишиб олсак, гонораримни оширишса, қолишга тайёрман. Лекин бундай бўлмаса, энг енгил вазнга ўтишга мажбур бўламан. Гонораримни оширишсагина ўта енгил вазнда қоламан.

Энг енгил вазнга ўтишни аввалдан хоҳлаганман, сўнгги уч жангимни ўша вазнда ўтказишни режалаштиргандим. Вақтинчалик чемпион унвонини жорий этиш орқали улар энг енгил вазнга ўтишим эҳтимолини 95%га оширишди", - дея Фигередонинг сўзларини келтиради MMA Fighting ахборот нашри.