16 июн 11:19
Янгиликлар
Бокс/ММА
Алжэмейн Стерлингнинг рақиби ва жанг санаси маълум
Энг енгил вазнда UFC чемпиони Алжэмейн Стерлингнинг навбатдаги ҳимоя жангини қачон ва кимга қарши ўтказиши маълум қилинди.
Америкалик чемпион сентябрь ойида ўтказиладиган UFC 279 турнирида жанг қилади. 32 ёшли Стерлинг (21-3 MMA, 13-3 UFC) 36 яшар ватандоши Ти Жей Диллашоу (17-4 MMA, 13-4 UFC)га қарши октагонга кўтарилади.
UFC 279 турнири 11 сентябрь кунига белгиланган. Хабарда айтилишича, томонлар жанг шартномасига ўз имзоларини қўйиб улгуришган. Жанг мезбонлигига Бостон ва Атланта шаҳарлари даъвогарлик қиляпти.
Эслатиб ўтамиз, Стерлинг кетма-кет 7 та жангда ғалаба қозонди. Ғалабалардан иккитаси Петр Ян билан жангга тўғри келади. Диллашоу эса сўнгги жангини 2021 йилнинг июль ойида Кори Сэндхагенга қарши ўтказиб, рақибини мағлуб этганди.
Ҳавола :
Манба : championat.com
Фикрлар